ეკა ბესელია - სუს-ის მიერ გამოქვეყნებული შუალედური ინფორმაცია არის ამ ეტაპზე დასმული კითხვების პასუხი

გუშინ სუს-ის მიერ გამოქვეყნებული შუალედური ინფორმაცია არის სწორედ ამ ეტაპზე დასმული კითხვების პასუხი, - ამის შესახებ საპარლამენტო უმრავლესობის წევრმა ეკა ბესელიამ გუშინ ტერორიზმის საქმეზე სუს-ის მიერ გასაჯაროვებული ვიდეომასალის შესახებ დასმული კითხვის საპასუხოდ განაცხადა.

ეკა ბესელიას განცხადებით, რა ფაქტებიც ჩაითვალა საჭიროდ, რომელიც შესაძლებელია მიწოდებული იყოს საზოგადოებისთვის, ეს ინფორმაცია გახდა საჯარო.

"ამ შუალედური ინფორმაციით ჩანს კავშირები იმ პირებთან, რომლებიც სპეცოპერაციასთან იყვნენ დაკავშირებულები, რომელიც თბილისში ჩატარდა. ბუნებრივია, ტერორისტული დანაშაულებები არის ყველაზე რთული და დღეს ყველაზე მთავარი გამოწვევა ყველა ქვეყნისთვის. თუ ჩვენ ვსაუბრობთ იმაზე, რომ სახელმწიფოს შესაბამისი სტრუქტურები უნდა მუშაობდნენ გამართულად და ქვეყნის მოსახლეობას უნდა ჰქონდეს დაცვის ყველა მექანიზმი და ბერკეტი, მაშინ ამ სამსახურებსაც უნდა მივცეთ შესაძლებლობა მათ იმუშაონ და ჰქონდეთ შესაბამისი სამართლებრივი თუ პოლიტიკური გარანტიები იმისთვის, რომ ამ უსერიოზულეს გამოწვევებს უპასუხონ. მეორე მხრივ, რა თქმა უნდა, როდესაც კითხვები ისმევა, ამის დასმის უფლება აქვს ყველას, თუ ის არ ემსახურება ჩვენი სამსახურების იმიჯის შელახვას და დისკრედიტაციას. კითხვებზე პასუხებიც არსებობს, ეს შუალედური ინფორმაცია არის სწორედ ამ ეტაპზე დასმული კითხვების პასუხი", - განაცხადა ბესელიამ.

რაც შეეხება ნდობის ჯგუფის ფარგლებში სახელმწიფო უსაფრთხოების სამსახურის უფროსის ვახტანგ გომელაურის მისვლას, ეკა ბესელიას თქმით, წინა შეხვედრის დროს იყო საუბარი არა მხოლოდ ჩატარებულ სპეცოპერაციაზე, არამედ შესაძლო კავშირებზეც, რომელიც ჰქონდათ იმ ადამიანებს, რომლებიც იყვნენ სპეცოპერაციის დროს და "ეს ინფორმაცია მეტ-ნაკლებად ჰქონდა ნდობის ჯგუფის წევრებსაც".

"თუ საჭიროდ ჩავთვლით, რომ რაიმე ისეთი ახალია, მნიშვნელოვანია, რომელიც უნდა იცოდნენ ნდობის ჯგუფის წევრებმაც, ჩვენ გვაქვს ისეთი კომუნიკაცია, რომ არანაირი პრობლემა არც მოსვლის და არ ამ ინფორმაციის მიღების სუს-ის უფროსის მხრიდან ნდობის ჯგუფს არ აქვს", - განაცხადა ბესელიამ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს