აშშ-ში ქარბუქის შედეგად ექვსი ადამიანი დაიღუპა

აშშ-ში აღმოსავლეთ სანაპიროზე ქარბუქის შედეგად სულ მცირე ექვსი ადამიანი დაიღუპა. ამის შესახებ ამერიკული ტელეარხი ABC იუწყება.

ჩრდილოეთ კაროლინას შტატის გუბერნატორის როი კუპერის განცხადებით, სტიქიამ უამრავი ავტოსაგზაო შემთხვევა გამოიწვია. ჩრდილოეთ კაროლინას შტატის ზოგიერთ რაიონში თოვლის სიმაღლემ 30 სანტიმეტრს მიაღწია.

ამავდროულად, ბოლო ორი დღის განმავლობაში ამერიკულმა ავიაკომპანიებმა ხუთი ათასზე მეტი რეისი გააუქმეს.

აღსანიშნავია, რომ ნიუ-იორკის გუბერნატორმა ენდრიუ კუომომ შტატში საგანგებო მდგომარეობა გამოაცხადა.