„ენერგო-პრომ“ მარნეულში ახალი, 10 კვტ ელექტროგადამცემი ხაზის მშენებლობა დაასრულა
სს „ენერგო-პრო ჯორჯიამ“ მარნეულში დაასრულა ახალი, 10 კვტ ელექტროგადამცემი ხაზის მშენებლობა. როგორც „ინტერპრესნიუსს“ კომპანიიდან აცნობეს, მშენებლობის შედეგად მარნეულის ცენტრის დაახლოებით 4 ათასი აბონენტის ენერგომომარაგება უფრო სტაბილური და ხარისხიანი გახდა.
„ფიდერზე, რომლითაც აღნიშნული ტერიტორია მარაგდებოდა ელექტროენერგიით, საკმაოდ ბევრი აბონენტი იყო მიერთებული, მათ შორის სხვადასხვა საწარმო. ჩატარებული სამუშაოების შედეგად მოხდა აბონენტების ნაწილის გადაყვანა ახალ ხაზზე, შესაბამისად ავარიული გათიშვების ალბათობა საკმაოდ შემცირდა. ახალი ელექტროგადამცემი ხაზის მშენებლობა 1 თვის განმავლობაში მიმდინარეობდა“, - აღნიშნულია „ენერგო-პრო ჯორჯიას“ მიერ გავრცელებულ ინფორმაციაში.
