საზოგადოებრივი მაუწყებლის გენერალურმა დირექტორმა ვასილ მაღლაფერიძემ პასუხისმგებლობა საკუთარ თავზე აიღო, გამოჩნდება რას გულისხმობს ეს, - ამის შესახებ საზოგადოებრივი მაუწყებლის გენერალური დირექტორის მრჩეველმა ია ანთაძემ ჟურნალისტებს განუცხადა.

მისივე თქმით, ზვიად რატიანთან დაკავშირებული ვიდეოს გამო დირექტორმა პასუხისმგებლობა საკუთარ თავზე აიღო და ამით მაუწყებელმა პოზიცია დააფიქსირა.

„პოზიცია დააფიქსირა მაუწყებელმა, როდესაც გენერალურმა დირექტორმა თქვა, რომ თავად იღებს პასუხისმგებლობას. რა პასუხისმგებლობაზეა საუბარი, დღეს გაირკვევა, გამოჩნდება რასაც გულისხმობს“, - განაცხადა ია ანთაძემ.

მწერლებისა და პოეტების გარკვეული ჯგუფი პოეტ ზვიად რატიანის საქმესთან დაკავშირებით საზოგადოებრივი მაუწყებლის სამეურვეო საბჭოს წევრებს შეხვდნენ.