საქართველოს ყოფილი პრეზიდენტის, მიხეილ სააკაშვილის დაკითხვა კიევში, ოქტომბრის სასახლესთან განვითარებულ ამბებთან დაკავშირებით 9-10 იანვრამდე გადაიდო. ამის შესახებ სააკაშვილის პარტიის ”ახალი ძალები” პრესსამსახური იუწყება.
„პატივცემულო კოლეგებო, გამომძიებელმა გვაცნობა, რომ მიხეილ სააკაშვილის დაკითხვა 9-10 იანვრამდე გადაიდო (ზუსტი თარიღი ჯერ დადგენილი არაა)“, - ნათქვამია განცხადებაში.
აღსანიშნავია, რომ სააკაშვილი 2017 წლის 17 დეკემბერს, კიევში, ოქტომბრის სასახლის დაკავების მცდელობისა და სამართალდამცავი ორგანოების თანამშრომლების მიმართ გამოთქმული მუქარების საქმეზე მოწმის სტატუსით იყო დაბარებული.