ბინები, სადაც სპეცოპერაცია ჩატარდა, 4 თვემდე ვადაში გარემონტდება

თბილისში, ბერი გაბრიელ სალოსის გამზირზე მდებარე კორპუსში ის ბინები, სადაც სპეცოპერაცია ჩატარდა, 4 თვემდე ვადაში გარემონტდება, - ამის შესახებ ჟურნალისტებს ისნის რაიონის გამგებელმა კახა ლაბუჩიძემ განუცხადა.

ლაბუჩიძის თქმით, ბინების დაზიანების ხარისხიდან გამომდინარე, გასარემონტებლად ზოგ ბინას 1 თვე, ზოგს კი, 4 თვე სჭირდება.

„დუპლექსის გარემონტებას დაახლოებით 4 თვე დასჭირდება, დანარჩენი ბინები 1-დან 3 თვემდე ვადაში გარემონტდება. თუმცა, ტემპი ისეთია, რომ შესაძლოა ეს ვადებიც შემცირდეს. 9 ბინა რემონტდება და ყველა ამ ბინის მეპატრონე დაუბრუნდება უსაფრთხო საცხოვრებელ გარემოს. ამ ეტაპზე ისინი სასტუმროში რჩებიან, მოსახლეობას ქირით გადავიყვანთ მათ მიერვე შერჩეულ ბინებში“, - განაცხადა კახა ლაბუჩიძემ.

თბილისის ვიცე-მერი ირაკლი ხმალაძე, მერის მოადგილე ირაკლი ბენდელიანი და ისნის რაიონის გამგებელი კახა ლაბუჩიძე ანტიტერორისტული სპეცოპერაციისას კორპუსის დაზიანებული მონაკვეთის გამაგრებითი სამუშაოების პირველი ეტაპის მიმდინარეობას გაეცნენ.

ბერი გაბრიელ სალოსის გამზირის მე-6 შესახვევში მდებარე მე-9 კორპუსი, სადაც 72 ოჯახი ცხოვრობს, თბილისის მუნიცპალური ლაბორატორიის დასკვნით, ავარიულობის მიხედვით დაზიანების მესამე ხარისხს განეკუთვნება. სარეაბილიტაციო სამუშაოებს თბილისის მერიის კონტრაქტორი კომპანია შპს „არქიტრავი“ ახორციელებს. როგორც მერიის მაღალჩინოსნები ირწმუნებიან, რეაბილიტაციის დასრულების შემდეგ მოქალაქეებისთვის აღნიშნულ მისამართზე ცხოვრება უსაფრთხო გახდება.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა