გრიგოლ გოგელია ზვიად რატიანის საქმეზე - ფაქტის გაშუქების სტანდარტი დარღვეული იყო, ახლა ჩვენი პროცედურების შესაბამისად მივიღებთ გადაწყვეტილებას

საზოგადოებრივი მაუწყებლის ბორდმა თავისი პოზიცია დააფიქსირა. ჩვენ ვთქვით, რომ ფაქტის გაშუქების სტანდარტი იყო დარღვეული. ახლა ჩვენი პროცედურების შესაბამისად მივიღებთ გადაწყვეტილებას, - ამის შესახებ ჟურნალისტებს მაუწყებლის სამეურვეო საბჭოს თავმჯდომარემ გრიგოლ გოგელიამ განუცხადა.

მისივე თქმით, პოეტ ზვიად რატიანის საქმესთან დაკავშირებით მწერლებისა და პოეტების გარკვეულ ჯგუფთან მათი პირველი შეხვედრა შედგა.

გოგელიას თქმით, ბორდი არის ინსტიტუტი, რომელსაც აქვს თავისი პროცედურები და რომლის დაცვითაც ამ საქმეზე მოკვლევა მოხდება. შესაბამისად, სამართლებრივად განსაზღვრულ გადაწყვეტილებას მიიღებენ.

ჟურნალისტის კითხვაზე, დადგება თუ არა საზოგადოებრივი მაუწყებლის დირექტორის ვასილ მაღლაფერიძის გადადგომის საკითხი, გოგელიამ ეს არ დააკონკრეტა.

„მე ვფიქრობ, არასერიოზულია დღეს რომ გითხრათ, ვიდრე ეს საკითხი სამართლებრივად არ გაგვივლია და ეს პროცედურები არ გვინახავს. თუ როგორ უნდა წარიმართოს და რა ვადებში იქნება, ეს ავუხსენით დღეს საზოგადოების წევრებსაც, რომ ჩვენ ვართ ინსტიტუტი, რომელიც გარკვეული წესებით მოქმედებს და ამ წესების შესაბამისად მივიღებთ გადაწყვეტილებას“, - განაცხადა გოგელიამ.

პოეტებისა და მწერლების გარკვეული ჯგუფი დღეს საზოგადოებრივი მაუწყებლის ბორდის წევრებს ხვდებოდნენ.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ