პროკურატურის განცხადებით, პაატა ბურჭულაძის დაკითხვის გადაწყვეტილება არ შეუცვლიათ და საკითხი კვლავ დღის წესრიგში დგას

მთავარი პროკურატურის განცხადებით, ფონდ „იავნანას“ დამფუძნებლის, პაატა ბურჭულაძის დაკითხვის გადაწყვეტილება არ შეუცვლიათ და საკითხი კვლავ დღის წესრიგში დგას.

როგორც „ინტერპრესნიუსს“ უწყებაში ბურჭულაძის ადვოკატის განცხადების საპასუხოდ განუცხადეს, პროკურატურა ელოდება პაატა ბურჭულაძის საქართველოში ჩამოსვლას, რა შემთხვევაშიც მაგისტრატ მოსამართლეს მის დაკითხვასთან დაკავშირებით შუამდგომლობით მიმართავს.

“ფონდ „იავნანას“ კუთვნილი, დიდი ოდენობით თანხის შესაძლო მითვისება-გაფლანგვის ფაქტებზე მიმდინარე გამოძიების ფარგლებში, ფონდის დამფუძნებელი პაატა ბურჭულაძე, კანონით დადგენილი წესით, მისი ოჯახის წევრისა და ადვოკატის მეშვეობით, ორჯერ იქნა გამოძახებული საქართველოს მთავარ პროკურატურაში მოწმის სახით გამოკითხვის მიზნით, თუმცა ორივე შემთხვევაში მან უარი განაცხადა საგამოძიებო უწყებაში გამოცხადებასა და პროკურატურაში ჩვენების მიცემაზე. პროკურატურა დაელოდება პაატა ბურჭულაძის საქართველოში ჩამოსვლას და ჩამოსვლის შემთხვევაში, მიმართავს შუამდგომლობით მაგისტრატ მოსამართლეს მის დაკითხვასთან დაკავშირებით”, - განუცხადეს „ინტერპრესნიუსს“ მთავარ პროკურატურაში.

როგორც ცნობილია, რამდენიმე დღის წინ პაატა ბურჭულაძის ადვოკატმა სოსო ბარათაშვილმა განაცხადა, რომ ბურჭულაძე მზად იყო ყველა კითხვაზე პასუხი გაეცა, თუმცა გამომძიებელმა შეატყობინა, რომ ამ ეტაპზე მისი დაკითხვის საჭიროება აღარ დგას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს