ზურაბ გორნაკაშვილის ადვოკატი აცხადებს, რომ მას სუს-იდან საქმის მასალების გაუთქმელობის საკითხზე ამ დრომდე არავინ დაკავშირებია

ტერორიზმის ხელშეწყობის ბრალდებით დაკავებული ზურაბ გორნაკაშვილის ადვოკატი აცხადებს, რომ მას სახელმწიფო უსაფრთხოების სამსახურიდან საქმის მასალების გაუთქმელობის საკითხზე ამ დრომდე არავინ დაკავშირებია.

როგორც ადვოკატი განმარტავს, მას მსგავს დოკუმენტზე ჯერ ხელი არ მოუწერია. ადვოკატი ირაკლი ბენია ბრალდებულ გორნაკაშვილთან სასჯელაღსრულების მერვე დაწესებულებაში იმყოფებოდა.

როგორც დაწესებულების დატოვების შემდეგ ადვოკატმა ჟურნალისტებთან საუბრისას განაცხადა, მან საკუთარი დაცვის ქვეშ მყოფ პირთან ბევრ საკითხზე ისაუბრა, მათ შორის კადრებზე, რომელიც 4 იანვარს სახელმწიფო უსაფრთხოების სამსახურმა გაავრცელა. თუმცა, ადვოკატი განმარტავს, რომ დეტალებზე ის საჯაროდ ვერ ისაუბრებს.

ამასთან, ირაკლი ბენია კიდევ ერთხელ აღნიშნავს, რომ მისი დაცვის ქვეშ მყოფი პირადი საქმეების გამო მართლაც იმყოფებოდა თურქეთში, თუმცა ახმედ ჩატაევთან კავშირს გამორიცხავს. ამასთან, ადვოკატი განმარტავს, რომ საკუთარ პოზიციას ზურაბ გორნაკაშვილი სასამართლო პროცესზე დააფიქსირებს.

სახელმწიფო უსაფრთხოების სამსახურმა გუშინ ბერი გაბრიელ სალოსის გამზირსა და პანკისის ხეობაში ჩატარებული სპეცოპერაციების საქმეზე ვიდეომასალა გაასაჯაროვა. კადრების მიხედვით, ახმედ ჩატაევის დაჯგუფების წევრები შოაიფ ბორზიევი და ასლანბეგ სოლტახმადოვი პანკისში ჩატარებული სპეცოპერაციისას დაჭრილ თემირლან მაჩალიკაშვილთან ერთად გადაადგილდებიან.

სტრასბურგი და ხვალეო!..
ქართული პრესის მიმოხილვა 23.07.2019
ვიტალი ბალა - 2019 წლის არჩევნების შედეგად უკრაინაში არ შედგა პრორუსულ ძალთა რევანში და არ გამართლდა პრორუსულ ძალთა მოლოდინი
შს მინისტრის პირველი მოადგილე - 20 ივნისს შეუძლებელი იყო რომელიმე პოლიტიკოსის იქიდან გამორიდება, მასა იყო აგრესიული და შეტევაზე გადადიოდა
თბილისში სულხან-საბა ორბელიანის უნივერსიტეტის ახალი კამპუსის და საერთო საცხოვრებლის მშენებლობა მიმდინარეობს