ირაკლი კოვზანაძე USAID-ის წარმომადგენლებს შეხვდა

ირაკლი კოვზანაძე USAID-ის წარმომადგენლებს შეხვდა, - ამის შესახებ „ინტერპრესნიუსს“ პარლამენტის საფინანსო-საბიუჯეტო კომიტეტის აპარატიდან აცნობეს.

პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე USAID-ის პროექტის „დემოკრატიული მმართველობის ინიციატივის“ (GGI) დირექტორს დევიდ სმიტს, პროექტის საკანონმდებლო და ზედამხედველობის საკითხების მენეჯერს ნინო ვარდოსანიძესა და ორგანიზაციული განვითარების მრჩეველს გიორგი ჯერენაშვილს შეხვდა.

შეხვედრის მიზანი იყო საფინანსო-საბიუჯეტო კომიტეტისა USAID -ის ურთიერთობების კიდევ უფრო გაღრმავება და კომიტეტის სტრატეგიული სამოქმედო გეგმის ფარგლებში USAID -ის პროგრამების ჩართულობის გაძლიერება.