ავსტრიის ერთ-ერთმა ცნობილმა კლინიკამ თემირლან მაჩალიკაშვილის მიღების მზადყოფნა გამოთქვა

ავსტრიის ერთ-ერთმა ცნობილმა კლინიკამ პანკისში დაჭრილ თემირლან მაჩალიკაშვილის მიღების თაობაზე მზადყოფნა გამოთქვა. ამის შესახებ ჟურნალისტებს ექიმმა ზაზა ლურსმანაშვილმა განუცხადა.

მისი განმარტებით, ამ ეტაპზე ერთადერთ დაბრკოლებას წარმოადგენს ის, რომ ამ დროისთვის ამ კლინიკას თავისუფალი ადგილი არ აქვს. თუმცა, მოლაპარაკების მიხედვით, ავსტრიის კლინიკამ ჯანდაცვის სამინისტროს 24-საათის განმავლობაში უნდა მოაწოდოს ინფორმაცია. ექიმის თქმით, ამ ყველაფერთან დაკავშირებით ოჯახიც ინფორმირებულია.

„ორი წუთის წინ მიღებული ინფორმაციით, ავსტრიის კლინიკამ, ვისთანაც ჯანდაცვის სამინისტრო აწარმოებდა მოლაპარაკებას, პრინციპული თანხმობა განაცხადა პაციენტის მიღებაზე. მაგრამ ერთადერთ დაბრკოლებად ამ ეტაპზე რჩება ის გარემოება, რომ ამ მომენტისთვის თავისუფალი ადგილი არ არის და იმედოვნებენ, რომ სავარაუდოდ 24 საათში ალბათ ადგილი გამოჩნდება და დადგება პაციენტის ტრანსპორტირების საკითხი“, - განაცხადა ექიმმა.

რაც შეეხება ტრანსპორტირებას, იღებს თუ არა ავსტრიის კლინიკა ტრანსპორტირების თაობაზე პასუხისმგებლობას, ექიმ ზაზა ლურსმანაშვილის განმარტებით, ამაზე ინფორმაციას არ ფლობს. „ამ დეტალებზე ინფორმაცია ჯერ არ გამაჩნია, მაგრამ როდესაც საბოლოო პასუხს მივიღებთ და იქნება სრული მზადყოფნა პაციენტის მისაღებად, ამ საკითხს შემდეგ განვიხილავთ. ალბათ აიღებს პასუხისმგებლობას კლინიკა“, - განაცხადა ექიმმა.

მისივე ინფორმაციით, თურქეთის კლინიკიდან მაჩალიკაშვილის მიღებასთან დაკავშირებით პასუხს ხვალ დღის ბოლომდე ელოდებიან.

პანკისში დაჭრილი თემირლან მაჩალიკაშვილის მიღებაზე გერმანულმა კლინიკამ უარი, ავსტრიის კლინიკამ კი მზადყოფნა გამოთქვა

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა