ვიზალიბერალიზაციის გეგმის 60% შინაგან საქმეთა სამინისტროზე მოდიოდა, შესაბამისად, სამინისტროს დანახარჯებიც საჭირო და შედეგიანი იყო, - ამის შესახებ საგარეო ურთიერთობათა კომიტეტის თავმჯდომარემ სოფიო ქაცარავამ განაცხადა.
„ვიზალიბერალიზაციის პროცესში რეფორმების 60% შინაგან საქმეთა სამინისტროზე მოდიოდა. ევროკავშირის დადებითი დასკვნა დიდად იყო დამოკიდებული ამ რეფორმების წარმატებაზე, მინისტრის ვიზიტებზე ევროკავშირის წევრ ქვეყნებში და საერთაშორისო საპოლიციო თანამშრომლობის გაფართოებაზე, შესაბამისად, სამინისტროს დანახარჯებიც საჭირო და შედეგიანი იყო. ვთვლი, რომ სატელევიზიო სიუჟეტი შსს-ს აუდიტორული შემოწმების თემაზე მიკერძოებულად და არაობიექტურად გაკეთდა“, - განაცხადა ქაცარავამ.
აღნიშნულ კომენტარს პარლამენტის პრესსამსახური ავრცელებს.