ჩვენს სომეხ თანამოქალაქეებს მინდა მივულოცო შობის და ნათლისღების ბრწყინვალე დღესასწაული, - ამის შესახებ ”ერთიანი ნაციონალური მოძრაობის” წევრმა, ზაალ უდუმაშვილმა სურბ გევორქის ტაძარში განაცხადა, სადაც შობისა და ნათლისღების დღესასწაულებისადმი მიძღვნილ საღმრთო ლიტურგიას დაესწრო.

”ეს დღესასწაული ასოცირდება სიხარულთან და სიკეთესთან, შესაბამისად, მე მინდა მათ ვუსურვო ბევრი სიკეთე 2018 წელს. ჩვენი ისტორიული ძმობა და მეგობრობა მრავალ საუკუნეს მოიცავს. ამაყი ვართ, რომ ჩვენი ძმები და დები დღეს აღნიშნავენ ამ ბრწყინვალე დღესასწაულს”, - განაცხადა ზაალ უდუმაშვილმა.

სურბ გევორქის ტაძარში ასევე იმყოფებოდნენ "ერთიანი ნაციონალური მოძრაობის" ლიდერები: ზაზა ბიბილაშვილი და ხატია დეკანოიძე, სადაც სომეხ თანამოქალაქეებს შობისა და ნათლისღების დღესასწაული მიულოცეს.