მინდა სომეხთა წმინდა მართლმადიდებლურ სამოციქულო ეკლესიის მრევლს მივულოცო შობისა და ნათლისღების ბრწყინვალე დღესასწაულები, - ამის შესახებ შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ქეთევან ციხელაშვილმა სურბ გევორქის საკათედრო ტაძარში განაცხადა, სადაც შობისა და ნათლისღების დღესასწაულებისადმი მიძღვნილ საღმრთო ლიტურგიას დაესწრო.
”მინდა მივულოცო სომეხთა წმინდა მართლმადიდებლურ სამოციქულო ეკლესიის მრევლს, ჩვენს სომეხ თანამოქალაქეებს შობის და ნათლისღების ბრწყინვალე დღესასწაულები. მინდა თითოეულ ოჯახს კეთილდღეობა, სიხარული და ბედნიერება ვუსურვო და ასევე ახალი 2018 წელი მივულოცო. მინდა ჩვენს სამშობლოს მთლიანად მშვიდობა და კეთილდღეობა ვუსურვო. რა თქმა უნდა, თითოეული ოჯახის სიძლიერეზეა დამყარებული ჩვენი ქვეყნის ძლიერება, სადაც ჩვენს სომეხ მოსახლეობას მისი განსაკუთრებული ტრადიციებისა და კულტურის ისტორიულად გამორჩეული ადგილი აქვს”, - განაცხადა ციხელაშვილმა.