„ეიპიემ ტერმინალს ფოთსა“ და კონტრაქტორ კომპანიას შორის გემ GLANFORD-ის დაქირავების შესახებ ხელშეკრულება გაფორმდა

„ეიპიემ ტერმინალს ფოთსა“ და კონტრაქტორ კომპანიას შორის მიწახაპია გემ GLANFORD-ის დაქირავების შესახებ ხელშეკრულება გაფორმდა, - ამის შესახებ ,,ინტერპრესნიუსს“ ფოთის საზღვაო ნავსადგურიდან აცნობეს.

კომპანიის ინფორმაციით, მიწახაპია გემის დაქირავებით პორტს საზღვაო აკვატორიიდან დამატებით 300 კუბური მეტრი ქვიშის ამოღება გახდება შესაძლებელი. GLANFORD-ი უკვე ფოთის პორტშია და სამუშაოების შესრულება დაიწყო.

2017 წელს ნავსადგურის საკუთრებაში მყოფი მიწახაპია გემ ,,ნიკო ნიკოლაძეს“ ეკიპაჟის წევრებმა სპეციალური გადამზადება გაიარეს. მათი ჩართულობით შემოსასვლელ არხში თითქმის 1 მილიონი კუბური მეტრი ქვიშის ამოღება მოხდა. საერთო ჯამში 2017 წელს ამოღებული ქვიშის რაოდენობამ 1.3 მილიონი კუბური მეტრი შეადგინა.

როგორც კომპანიაში აცხადებენ, ზამთრის პერიოდში გემები ყოველგვარი დაბრკოლების გარეშე, უსაფრთხოდ შეძლებენ ფოთის პორტში გადაადგილებას.

„ფოთის პორტის 2018 წლის გეგმა უამინდობის გამო ნავსადგურის დახურვის დღეების მაქსიმალურ შემცირებას ითვალისწინებს. არსებული გეგმის ამოქმედების ერთ-ერთი მნიშვნელოვანი ნაწილია, შემოსასვლელ არხში სიღრმის შენარჩუნება და გემების გაუმჯობესებული, ხელსაყრელი გრაფიკით უზრუნველყოფა, რაც ფოთის პორტის საშუალებით საქართველოს ეკონომიკისთვის მეტი შესაძლებლობების შექმნას უზრუნველყოფს“, -აცხადებენ ,,ეიპიემ ტერმინალს ფოთში.“

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს