შობასთან დაკავშირებით ფოთში ტრადიციული ალილო გაიმართა

ქრისტეშობის დღესასწაულთან დაკავშირებით ფოთში ტრადიციული ალილო გაიმართა. საზეიმო მსვლელობა ანდრია პირველწოდებულის სახელობის ეკლესიიდან დაიწყო და საკათედრო ტაძართან დასრულდა.

ალილოში სასულიერო პირები, სტიქაროსნები და მრევლი მონაწილეობდა. მათ ადგილობრივი ხელისუფლების, პოლიტიკური პარტიებისა და საზოგადოების წარმომადგენლებიც შეუერთდნენ და მომლოცველებს ტკბილეული გადასცეს.

შეგროვილი სურსათ-სანოვაგე დღის ბოლოს სოციალურად დაუცველ ოჯახებს გადაეცემა.