სტოკჰოლმში მეტროს სადგურთან აფეთქება მოხდა

სტოკჰოლმში მეტროს სადგურ „ვორბიუს“ მახლობლად აფეთქება მოხდა. ამის შესახებ შვედეთის დედაქალაქის პოლიცია იუწყება.

არსებული ინფორმაციით, მამაკაცმა მეტროს სადგურის მახლობლად დაგდებული ნივთი აიღო, რის შედეგადაც აფეთქება მოხდა. მამაკაცი მძიმედ არის დაშავებული. ის საავადმყოფოშია გადაყვანილი.

ადგილზე პოლიციაა მობილიზებული.