ჭიათურაში, ცენტრალური ბაზრის მიმდებარე ტერიტორიაზე გარევაჭრობა აიკრძალა

ჭიათურის მერიის შესაბამისი სამსახურების წარმომადგენლები უკვე რამდენიმე დღეა გარემოვაჭრეებს ტერიტორიაზე შესვლის უფლებას არ აძლევენ.

ჭიათურის მერის მოადგილის, გივი მოდებაძის განცხადებით, გარემოვაჭრეებს უკანონო საქმიანობის გაგრძელების უფლება აღარ მიეცემათ.

"გარდა იმისა, რომ ვაჭრობა უკანონოდ ხორციელდება, უშნოვდება ქალაქის იერ-სახე და ჩნდება ანტისანიტარია", - განაცხადა გივი მოდებაძემ.

როგორც „ინტერპრესნიუსს“ ჭიათურის მერიის პრესსამსახურში განუცხადეს, მერია გარემოვაჭრეებს ალტერნატიულ ფართს „უნივერმაღის" მიმდებარე ტერიტორიაზე სთავაზობს, სადაც მათთვის სპეციალური ბაზრობა მოეწყობა.

მერიის კეთილმოწყობის სამსახურმა გარემოვაჭრეთა დახლებისგან უკვე გაასუფთავა ყაზბეგის ქუჩა და ე.წ. "მაღაროელთა მოედანი".

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“