ზურაბ პატარაძემ საშობაო ალილოში მიიღო მონაწილეობა

შობის დღესასწაული ბათუმში ტრადიციული ალილოთი აღინიშნა. როგორც „ინტერპრესნიუსს“ აჭარის მთავრობიდან აცნობეს, საზეიმო მსვლელობას საშობაო ნობათითა და ტკბილეულით შეუერთდა აჭარის მთავრობის თავმჯდომარე ზურაბ პატარაძე, ქალაქ ბათუმის მერი ლაშა კომახიძე, აღმასრულებელი და საკანონმდებლო ხელისუფლების სხვა წარმომადგენლები.

ბათუმში ალილოს მსვლელობა ტრადიციულად ღვთისმშობლის შობის სახელობის საკათედრო ტაძრიდან იწყება. მახარობლები სასულიერო პირებთან, მთავრობის წარმომადგენლებთან, ჩოხოსნებთან და მრევლთან ერთად ბათუმის ცენტრალურ ქუჩებს მოივლიან და მსვლელობას ბათუმისთვის ბრძოლაში დაღუპული გმირების საძმო საფლავთან ასრულებენ.

ზურაბ პატარაძემ ალილოს მსვლელობისას ხაზი გაუსვა ალილოს ტრადიციის მნიშვნელობას და მოსახლეობას მასში მონაწილეობისკენ მოუწოდა.

“მინდა გულწრფელად მივულოცო სრულიად საქართველოს შობის ბრწყინვალე დღესასწაული. ვუსურვო ჩვენ ქვეყანას მშვიდობა, სიკეთე, განვითარება, მეტი სიყვარული. დღეს ყველა ერთად ვართ და ერთად ვზეიმობთ. არაჩვეულებრივია ტრადიციული ალილოს დღესასწაული. მინდა ყველას მოვუწოდო გამოვიდნენ და მიიღონ მონაწილეობა ალილოში და ყველამ ერთად ვაკეთოთ სიკეთე“, - განაცხადა პატარაძემ.

ალოლოზე შეგროვილი ნობათი გაჭირვებულ მოსახლეობას გადაეცემა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა