ქუთაისში, ე.წ. მინისტარის დასახლების მიმდებარედ, საცხოვრებელ კორპუსში აფეთქება მოხდა. როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, წინასწარი ინფორმაციით, აფეთქება ბუნებრივი აირის გაჟონვამ გამოიწვია. შემთხვევის შედეგად ერთი ადამიანი დაშავდა. ბინაში ჩაიმსხვრა მინები.

მომხდარზე გამოძიება 187-ე მუხლით მიმდინარეობს, რაც გულისხმობს ნივთის დაზიანებას ან განადგურებას, რამაც ჯანმრთელობის დაზიანება გამოიწვია.