ავტობუსს, რომელსაც რუსთავის ავტომაგისტრალზე ცეცხლი გაუჩნდა, მგზავრები თურქეთის მიმართულებით გადაჰყავდა

სამგზავრო ავტობუსს, რომელსაც ავტომაგისტრალის რუსთავის მონაკვეთზე ცეცხლი გაუჩნდა, მგზავრები აზერბაიჯანიდან თურქეთის მიმართულებით გადაჰყავდა.

თვითმხილველების ინფორმაციით, ავტობუსის აალების დროს მასში 50-მდე მგზავრი იმყოფებოდა. მძღოლმაც და მგზავრებმაც ტრანსპორტიდან ჩამოსვლა დროულად შეძლეს და არავინ დაშავებულა. ადგილზე ამ დრომდე მობილიზებული არიან მეხანძრე-მაშველები და საპატრულო პოლიცია. მიმდინარეობს ცეცხლის ლიკვიდაცია.