მსოფლიოს ლიდერები და უცხოელი დიპლომატები Twitter-ში დონალდ ტრამპს თვალს ადევნებენ, რათა აშშ-ს პრეზიდენტის ლოგიკა გაიგონ, - ამის შესახებ ამერიკულ ტელეარხ ABC-ის ეთერში გაერო-ში აშშ-ს ელჩმა ნიკი ჰეილიმ განაცხადა.

„მე არ მივიჩნევ, რომ მსოფლიოს ლიდერები უგულებელყოფენ დონალდ ტრამპის ჩანაწერებს Twitter-ში. პირიქით, თვალს ვერ წყვეტენ მის ჩანაწერებს Twitter-ში, თუმცა მიიჩნევენ, რომ ის არაპროგნოზირებადია“, - განაცხადა ნიკი ჰეილიმ.

ჟურნალისტის კითხვაზე, არის თუ არა დონალდ ტრამპი ძალიან არაპროგნოზირებადი, ნიკი ჰეილიმ უარყოფითად უპასუხა.

„მივიჩნევ, რომ უბრალოდ არ იციან თუ როგორ მოიქცევა აშშ ნებისმიერ ცალკე აღებულ დროის მონაკვეთში. ამ მიზეზის გამო ისინი გაცილებით ფრთხილები არიან და უფრო მეტ ყურადღებას უთმობენ თუ როგორ წარმართონ აშშ-სთან ურთიერთობები“, - აღნიშნა გაერო-ში აშშ-ს ელჩმა.