ლარნაკადან დაბრუნებული საქართველოს მოქალაქეები იურიდიული კონსულტაციების შემდეგ გადაწყვეტენ, მიმართავენ თუ არა სასამართლოს

კვიპროსში, ლარნაკაში დარჩენილი საქართველოს 9 მოქალაქე სამშობლოში პარასკევს ჩამოფრინდა. როგორც ”ინტერპრესნიუსს” ერთ-ერთმა მგზავრმა სალომე შონიამ განუცხადა, ისინი საქართველოში ”უკრაინის ავიახაზების” მეშვეობით დაბრუნდნენ.

მისივე ინფორმაციით, დაბრუნებული მგზავრები დღეს იურიდიულ კონსულტაციას გაივლიან იურისტებთან, რის შემდეგაც ცნობილი გახდება, მიმართავენ თუ არა სასამართლოს მომხდარი ფაქტის გამო.

საქართველოს 9 მოქალაქემ, 20 საათი ლარნაკას აეროპორტში გაატარა. როგორც ისინი აცხადებდნენ, მათ მთელი ამ პერიოდის განმავლობაში არ ჰქონდათ ინფორმაცია, თუ როდის დაბრუნდებოდნენ სამშობლოში. მათი თქმით, ტექნიკური მიზეზების გამო, აეროპორტსა და კომპანიას შორის კომუნიკაცია ვერ შედგა და თვითმფრინავი მათ გარეშე გამოფრინდა საქართველოში.

აღნიშნულთან დაკავშირებით რამდენიმე დღის წინ განცხადება გაავრცელა ავიაკომპანია Wizz Air-მა. როგორც განცხადებაში იყო ნათქვამი, მგზავრებმა რეისზე თავად დააგვიანეს, რის გამოც თვითმფრინავი მათ გარეშე გამოფრინდა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს