"ნაციონალური მოძრაობის" ბათუმის საკრებულოს დეპუტატი ქალაქის თვითმმართველობას ინიციატივით მიმართავს

"ერთიანი ნაციონალური მოძრაობის" ბათუმის საკრებულოს დეპუტატი ქალაქის თვითმმართველობას ინიციატივით მიმართავს. როგორც მირდატ ქამადაძე აცხადებს, მძიმე სოციალურ ფონზე ბათუმში სამარშუტო ტაქსების ტარიფის გაზრდა მერიამ უნდა შეაჩეროს და წინასაარჩევნოდ დაპირებული ელექტროენერგიის ტარიფების შეამცირება უზრუნველყოს. მირდატ ქამადაძე ბათუმის მერიას მოუწოდებს, რომ ბათუმის ბიუჯეტში ცვლილება მოხდეს და შშმ პირებს, მარტოხელებსა და სოციალურად დაუცველებს წლიურად ელექტროენერგიის ათას კილოვატიანი ვაუჩერი გადაეცეს.

"როგორც ცნობილია ბათუმის ტერიტორიაზე გაძვირდა სამარშრუტო ტაქსების ტარიფები, რაც მძიმედ დააწვება ისედაც უკიდურეს გაჭირვებაში მცხოვრებ მოსახლეობას, მაშინ როცა ბათუმის მერია ავტოტრანსპორტის სუბსიდირებისთვის დამატებით 8 მილიონ ლარს დახარჯავს 2018 წლის ბიუჯეტის მიხედვით.

ჩვენ მოვუწოდებთ ბათუმის მერს, დაუყოვნებლივ მიიღოს შესაბამისი ზომები მგზავრობის ფასების დასარეგულირებლად.

ასევე ცნობილია, რომ როგორც სხვა ყველა დაპირება, ასევე მცდარი და ტყუილი აღმოჩნდა ”ქართული ოცნების” წინასაარჩევნო დაპირება კომუნალური გადასახადების შემცირება/განახევრებასთან დაკავშირებით და 2018 წლის ახალ წელს მოსახლეობა შეხვდა გაძვირებული ელექტროენერგიის ტარიფით.

ჩვენ მოვამზადეთ წინადადება ბათუმის ბიუჯეტში შევიდეს ცვლილება, რომლითაც სოციალურად დაუცველ ოჯახებს, შშმ პირების ოჯახებს და მარტოხელა პენსიონერებს გადაეცეთ ელექტროენერგიის წლიური ათას კილოვატიანი ვაუჩერი.

ზემოაღნიშნულიდან გამომდინარე, ამ საკითხზე სამსჯელოდ, ფრაქცია ”ერთიანი ნაციონალური მოძრაობა” ბათუმის საკრებულოს რეგლამენტის თანახმად მოვითხოვთ მოწვეული იქნას საკრებულოს რიგგარეშე სხდომა; დაიწყოს დაუყოვნებლივ კონსულტაციები პროგრამის მომზადებასა და ადმინისტრირებასთან დაკავშირებით", - აცხადებს მირდატ ქამადაძე.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო