მეუღლის მიერ ნაჯახით დაჭრილ ქალს ოპერაცია ჩაუტარდა, ის რეანიმაციულ განყოფილებაში რჩება

მეუღლის მიერ ნაჯახით დაჭრილი ქალის ჯანმრთელობის მდგომარეობა სტაბილურია. ზუგდიდის რეფერალური ჰოსპიტალის დირექტორის ნიკა ჭეჟიას ინფორმაციით, პაციენტს ოპერაცია გაუკეთდა და ამჟამად კვლავ რეანიმაციულ განყოფილებაში რჩება.

ჩხოროწყუს მუნიციპალიტეტის სოფელ ხაბუმეში, მამამ შვილი ნაჯახით მოკლა, ცოლი კი თავის არეში დაჭრა. ჩხოროწყუს მერის ინფორმაციით, მამაკაცს ფსიქიკური პრობლემები აქვს.

შს სამინისტროს ინფორმაციით, გამოძიება სისხლის სამართლის კოდექსის 108-ე განზრახ მკვლელობის ფაქტზე მიმდინარეობს.