შს მინისტრის მოადგილე - ნარკოპოლიტიკა არ არის უბრალოდ დაჭერა-არდაჭერის საკითხი, - ჩვენ, მივესალმებით ეფექტიან ნარკოპოლიტიკას

ჩვენ აქტიურად ვთანამშრომლობთ დარგის ექსპერტებთან, ხელისუფლების წარმომადგენლებთან, სხვა დაინტერესებულ მხარეებთან, რათა საბოლოო პროდუქტის სახით მივიღოთ სწორედ ეფექტიანი ნარკოპოლიტიკა, - ამის შესახებ შინაგან საქმეთა მინისტრის მოადგილემ ნინო ჯავახაძემ დღეს გამართულ ბრიფინგზე განაცხადა.

„გვსურს გამოვეხმაუროთ ნარკოპოლიტიკის საკითხს, რომელიც ბოლო პერიოდში აქტიური განხილვის საგანია. არსებული სტატისტიკა და ფაქტები ცხადყოფს, რომ ამ მხრივ ჩვენს ქვეყანაში საკმაოდ მძიმე მდგომარეობაა და ამ საკითხის გადაწყვეტის დროში გახანგრძლივება კიდვე უფრო ამწვავებს მდგომარეობას. განსაკუთარებით მძიმე მდგომარეობაა ე.წ. ქიმიური ნარკოტიკების თვალსაზრით და ბიოს მოხმარებით გამოწვეული ზიანის კუთხით და შესაბამისად, ეს ჩვენთვის მნიშვნელოვან გამოწვევას წარმოადგენს. ამ მხრივ ჩვენ აქტიურად ვმუშაობთ და ამ მძიმე ნარკოტიკებთან ბრძოლა ჩვენი პრიორიტეტია“, - განაცხადა ნინო ჯავახაძემ.

მინისტრის მოადგილის განცხადებით, ყველას კარგად ესმის, რომ ნარკოპოლიტიკა ძალიან კომპლექსური საკითხია, რომელიც საჭიროებს კომპლექსურ მიდგომას.

„ნარკოპოლიტიკა არ არის უბრალოდ დაჭერა-არდაჭერის საკითხი. ეფექტიანი ნარკოპოლიტიკა, როგორც ეს არის განვითარებულ ქვეყნებში, უნდა ეფუძნებოდეს აუცილებელ ბალანსს ჰუმანურობასა და მოხმარების წახალისების აღკვეთას შორის, შესაბამისად, ჩვენთვის მნიშვნელოვანია, რომ ეს ბალანსი იყოს დაცული. სხვა მხრივ, ჩვენ, რა თქმა უნდა, მივესალმებით ეფექტიან ნარკოპოლიტიკას, რომელიც ქვეყანაში უნდა არსებობდეს. ასევე გასათვალისწინებელია ახალი რეალობა, რომელიც ჩვენ გვაქვს მარიხუანას მხრივ, კერძოდ, საკონსტიტუციო სასამართლოს მიერ მიღებულმა გადაწყვეტილებებმა შექმნა ახალი რეალობა, რასაც ჰქვია დეკრიმინალიზაცია მარიხუანას თვალსაზრისით. ამ მხრივ ჩვენ გაქვს მთელი რიგი საკანონმდებლო მოწესრიგება გასატარებელი, რათა პრაქტიკასა და კანონმდებლობაში აღსრულდეს საკონსტიტუციო სასამართლოს გადაწყვეტილებებები. კიდვე ერთხელ ვიმეორებ, რომ შსს მოწოდებულია ქვეყანაში იყოს ეფექტიანი ნარკოპოლიტიკა. ამ კუთხით ჩვენ აქტიურად ვთანამშრომლობთ და კონსულტაციებს გავდივართ დარგის ექსპერტებთან, ჩვენი გუნდის წევრებთან, ხელისუფლების წარმომადგენლებთან, სხვა დაინტერესებულ მხარეებთან, რათა საბოლოო პროდუქტის სახით მივიღოთ სწორედ ეფექტიანი ნარკოპოლიტიკა. ამ საკითხთან დაკავშირებით შს მინისტრი გააკეთებს დამატებით განცხადებას უახლოეს დღეებში“, - განაცხადა ნინო ჯავახაძემ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო