გიორგი წოწკოლაური - თამაზ მეჭიაური მერიის თანამშრომლებს პოლიტიკური შეხედულების გამო ავიწროებს

თიანეთის მუნიციპალიტეტის საკრებულოს თავმჯდომარე, გიორგი წოწკოლაური მუნიციპალიტეტის მერის, თამაზ მეჭიაურის განცხადებას ეხმაურება. წოწკოლაურის თქმით, თამაზ მეჭიაური მერიის თანამშრომლებს პოლიტიკური შეხედულების გამო ავიწროებს.

როგორც წოწკოლაური აცხადეს, მიზეზები, რომელზეც “ინტერპრესნიუსთან” მეჭიაური საუბრობს და რომლის გამოც ვერ ხდება მერიაში დასაქმებულ პირთა საშეშე მერქნით მომარაგება, არარეალურია და მისი მოგვარება მარტივად არის შესაძლებელი.

“რაოდენ უხერხულიც არ უნდა იყოს თიანელი ადამიანისთვის ამის შეხსენება, თიანეთის მუნიციპალიტეტი მდებარეობს ზღვის დონიდან 1100 მეტრზე და კლიმატი საკმაოდ ცივი და მკაცრია. სირცხვილია იმ არგუმენტის მოყვანა, რომ იანვრის თვეში, თიანეთში, თურმე თბილა და ამ მიზეზით არ ხდება მერიის თანამშრომლებისთვის საშეშე მერქნის შეძენა და სითბოს უზრუნველყოფა. აღსანიშნავია, რომ მსოფლიოს საერთაშორისო ჯანდაცვის ორგანიზაციების მიერ აღიარებულია, რომ 20-21 პლუს გრადუსიანი ტემპერატურა არის აუცილებელი ადამიანის ნორმალური სამუშაო პირობებისთვის.

რაც შეეხება ბიუჯეტში თანხების უქონლობას, ფაქტია, რომ 2017 წლის ბიუჯეტში 4900 ლარი გამოყოფილია ადმინისტრაციული ერთეულების წარმომადგენლებისთვის საშეშე მერქნის შესაძენად, რასაც არ სჭირდება ტენდერის ჩატარება და სულ რაღაც 2-3 დღეში, გამარტივებული წესით შეეძლოთ შეშის შეძენა და წარმომადგენელთა სითბოთი უზრუნველყოფა. როგორც მისივე კომენტარიდან ჩანს, მერის წარმომადგენლებს განიხილავს არა საჯარო მოხელეებად, რომლებიც კონკურსის შედეგად არიან შერჩეულები და ემსახურებიან საკუთარ მუნიციპალიტეტს და ქვეყანას, არამედ პარტია „ქართული ოცნების“ აქტივისტებად. ამ ნიშნითაა გამოწვეული მათი დისკრიმინაცია. მისი კომენტარი: „ისინი აქტივისტები იყვნენ და არიან დღემდე“, ყველა შეკითხვას სცემს პასუხს. არ არსებობს არც ერთი ფაქტი, როდესაც მერის წარმომადგენლებმა საკუთარი პოლიტიკური მოსაზრებები აურიეს სამსახურეობრივ მოვალეობებში, თუმცა ამ მიზეზით, შეგნებულად უქმნის გაუსაძლის პირობებს, რათა „ნებაყოფლობით“ წავიდნენ სამსახურებიდან.

რაც შეეხება ტენდერის გამოცხადებას, მერის წინამორბედის უფლებამოსილების შეჩერებისას იყო აგვისტოს თვე და ადმინისტრაციული შენობები არ საჭიროებდა გათბობას. მერმა უნდა იცოდეს, რომ 5000 ლარამდე ღირებულების სახელმწიფო შესყიდვების განხორციელება შესაძლებელია გამარტივებული წესით. ამ სახით შესყიდვას დასჭირდებოდა სულ 2 ან 3 დღე, თუმცა 2 თვის განმავლობაში, მიუხედავად დამდგარი ყინვებისა, შეგნებულად არ განახორციელა შესყიდვა.

ფაქტია, რომ ამ ფორმით ხდება პოლიტიკური შეხედულებების გამო მათი დისკრიმინაცია, რაზეც კანონის შესაბამისად, ზედამხედველობას ახორციელებს სახალხო დამცველი. აუცილებლად ვიზრუნებთ, რათა ამ ფაქტებზე მოხდეს შესაბამისი რეაგირება”, - აცხადებს გიორგი წოწკოლაური.

თამაზ მეჭიაურის განცხადებით კი, შეშის მომარაგება ზაფხულში ან შემოდგომის დასაწყისში უნდა მომხდარიყო, თუმცა მუნიციპალიტეტის ხელმძღვანელობას „ქართული ოცნებიდან“ ეს არ გაუკეთებია. ამასთან, თიანეთის მერი, რომელიც მუშაობას 13 ნოემბერს შეუდგა, აცხადებს, რომ თანამშრომლები „ქართული ოცნების“ კანდიდატის საარჩევნო აგიტაციაში იყვნენ ჩართულები და შვებულებაში დახვდნენ.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ