იტალიაში ავტოსაგზაო შემთხვევის შედეგად 23 მოსწავლე დაშავდა
იტალიის ჩრდილოეთ პროვინცია მანტუიაში, ავტომაგისტრალზე სასკოლო ავტობუსი ამოტრიალდა, რის შედეგადაც, 23 ბავშვი დაშავდა. ისინი საავადმყოფოში გადაიყვანეს.
იტალიელი მაშველების ინფორმაციით, ავტობუსში 50-მდე სკოლის მოსწავლე იმყოფებოდა, რომლებიც სკოლიდან ბრუნდებოდნენ.
წინასწარი მონაცემებით, მომხდარის მიზეზი მძღოლის ჯანმრთელობის მდგომარეობის უეცარი გაუარესება გახდა. მიმდინარეობს გამოძიება.
