სამხრეთ კორეასა და ჩრდილოეთ კორეას შორის ურთიერთობების ნორმალიზების დიალოგის პირველი რაუნდი გაიმართა.

მხარეებს შორის შეხვედრა სასაზღვრო ქალაქში, ფხანმუნჯში შედგა.

მოლაპარაკებების მთავარი თემა სეულსა და ფხენიანს შორის ურთიერთობების გაუმჯობესების პრაქტიკული ნაბიჯების გამოძებნა გახდება.

ჩრდილოეთ კორეის დელეგაციის ხელმძღვანელმა იმედი გამოთქვა, რომ დიალოგი მნიშვნელოვან შედეგებს მოიტანს.

თავის მხრივ, სამხრეთ კორეის დელეგაციის ხელმძღვანელმა აღნიშნა, რომ მხარეები მტკიცედ არიან განწყობილნი მოლაპარაკებების ჩასატარებლად.