მუნიციპალიტეტებში სპორტული ინფრასტრუქტურის რეაბილიტაცია აქტიურად გრძელდება. როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, კიდევ ერთი ახალი სტადიონი ექნება მალე საგარეჯოს მოსახლეობას.

კახეთის რეგიონში მიმდინარე სამუშაოებს ინფრასტრუქტურის მინისტრი ზურაბ ალავიძე, მხარის გუბერნატორთან და ადგილობრივ მუნიციპალიტეტის წარმომადგენლებთან ერთად გაეცნო.

პროექტი ითვალისწინებს ცენტრალური სტადიონის სრულ რეაბილიტაციას. პირველ ეტაპზე მოეწყობა ახალი მინდვრის საფარი. სამუშაოების 40% უკვე შესრულებულია.

სამუშაოების მეორე ეტაპის ფარგლებში, იგეგმება შიდა და გარე ინფრასტრუქტურის მოწყობა. ახალი სტადიონი 10 ათასზე მეტი ადგილობრივს მოემსახურება.