საქართველოს პრემიერ-მინისტრი გიორგი კვირიკაშვილი ქართველი ფილოსოფოსისა და საზოგადო მოღვაწის, მიხეილ ნანეიშვილის გარდაცვალების გამო მწუხარებას გამოთქვამს.

„მიხეილ ნანეიშვილის აქტიური საზოგადოებრივი და პოლიტიკური საქმიანობა დამოუკიდებელი საქართველოს სახელმწიფოს მშენებლობას უკავშირდება. იგი თავისი პიროვნული ღირსებებით, პრინციპულობით, მოქალაქეობრივი და სახელმწიფოებრივი პოზიციით ქართული საზოგადოების გამორჩეული წევრი იყო. ვუსამძიმრებ და თანავუგრძნობ მიხეილ ნანეიშვილის ოჯახის წევრებს, მის კოლეგებსა და ახლობლებს“, - განაცხადა პრემიერ-მინისტრმა.

ქართველი ფილოსოფოსი და საზოგადო მოღვაწე, ყოფილი დეპუტატი მიხეილ ნანეიშვილი 83 წლის ასაკში გარდაიცვალა.