სამხრეთ აფრიკის რესპუბლიკაში ერთმანეთს ორი სამგზავრო მატარებელი შეეჯახა

სამხრეთ აფრიკის რესპუბლიკაში, ქალაქ ჯერმისტონის მახლობლად ერთმანეთს ორი სამგზავრო მატარებელი შეეჯახა. ამის შესახებ ტელეარხი eNCA იუწყება. მისივე ინფორმაციით, შეჯახების შედეგად 200-მდე ადამიანი დაშავდა. ადგილზე დაშავებულებთან ექიმები მუშაობენ.

ადგილობრივი გამოცემა Times-ის ინფორმაციით, ერთი მატარებელი გაჩერებული იყო და სვლის გაგრძელების ნებართვას ელოდებოდა, როდესაც მას უკნიდან მეორე მატარებელი შეეჯახა.