ელჩი - ბოსნია-ჰერცეგოვინას მხარე არ იყო ინფორმირებული საოკუპაციო რეჟიმის ქვეყანაში ჩასვლასთან დაკავშირებით - მათ ხაზი გაუსვეს, რომ ოფიციალურ ვიზიტს ადგილი არ ჰქონდა

თურქეთის რესპუბლიკაში საქართველოს საგანგებო და სრულუფლებიანი ელჩის (აკრედიტებულია ბოსნია-ჰერცეგოვინაში) ირაკლი კოპლატაძის განცხადებით, ბოსნია-ჰერცეგოვინის ერთ-ერთ რეგიონში ცხინვალის საოკუპაციო რეჟიმის წარმომადგენელთა ვიზიტი ბოსნია-ჰერცეგოვინის ერთ-ერთ რეგიონში რუსეთის საოკუპაციო რეჟიმის წარმომადგენლების კერძო ვიზიტს წარმოადგენს და არ შეესაბამება ბოსნია-ჰერცეგოვინას პოზიციას საქართველოს ტერიტორიული მთლიანობის მხარდაჭერასთან დაკავშირებით. ასე გამოეხმაურა ირაკლი კოპტალაძე ”ინტერპრესნიუსთან” ბოსნია-ჰერცეგოვინის ერთ-ერთ რეგიონში — რესპუბლიკა სერბსკაში — ცხინვალის საოკუპაციო რეჟიმის წარმომადგენელთა ე.წ. ვიზიტს.

”აღნიშნული წარმოადგენს რუსეთის საოკუპაციო რეჟიმის წარმომადგენლების კერძო ვიზიტს და არ შეესაბამება ბოსნია - ჰერცეგოვინას პოზიციას საქართველოს ტერიტორიული მთლიანობის მხარდაჭერასთან დაკავშირებით.

მსგავსი ქმედებებით რუსეთი აგრძელებს პროპაგანდისტული პოლიტიკის გატარებას და უშედეგოდ ცდილობს საოკუპაციო რეჟიმების ლეგიტიმაციას.

ინფორმაციის გავრცელებისთანავე დავუკავშირდით ბოსნია-ჰერცეგოვინას მხარეს, რომელიც არ იყო ინფორმირებული საოკუპაციო რეჟიმის ქვეყნაში შესაძლო ჩასვლასთან დაკავშირებით და ხაზი გაუსვა, რომ არანაირ ოფიციალურ ვიზიტს არ ჰქონდა ადგილი და ვერც ექნებოდა.

ბოსნია-ჰერცეგოვინამ კიდევ ერთხელ გაუსვა ხაზი, რომ მტკიცედ უჭერს მხარს საქართველოს სუვერენიტეტს, ტერიტორიულ მთლიანობასა და საქართველოს ოკუპირებული რეგიონების არაღიარების პოლიტიკას”,- აცხადებს ელჩი ირაკლი კოპლატაძე.

ოკუპირებული სამხრეთ ოსეთის დე ფაქტო პრეზიდენტის პრესსამსახურმა გაავრცელა ინფორმაცია, რომლის მიხედვითაც, ე.წ. პრეზიდენტი ანატოლი ბიბილოვი ბოსნია და ჰერცოგოვინას ფედერაციაში შემავალ სერბთა რესპუბლიკაში ”ოფიციალური ვიზიტით” ჩავიდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს