კომპანია ”სიტროენ ჯორჯია” კონკურენციის სააგენტოში დამატებით დოკუმენტაციას წარადგენს

კომპანია ”სიტროენ ჯორჯია” კონკურენციის სააგენტოში დამატებით დოკუმენტაციას წარადგენს. როგორც კომპანიის ადვოკატმა ირაკლი კორძახიამ დღეს გამართულ პრესკონფერენციაზე განაცხადა, აღნიშნული დოკუმენტაცია სხვა ფაქტებთან ერთად მოიცავს სახელმწიფო აუდიტის სამსახურის დასკვნას, რომელიც შს სამინისტროს ეხება.

მისივე თქმით, აღნიშნული დასკვნით დასტურდება ”სიტროენ ჯორჯიას” განცხადებები, რომ ”სახელმწიფო ტენდერები კონკრეტულ კომპანიებზეა მორგებული, ასევე ის, რომ სახელმწიფო შესყიდვები, კარტერული გარიგებები მიმდინარეობს, აბსოლუტურად მართალია”.

ამასთან, პრესკონფერენციაზე, გია გაჩეჩილაძემ განაცხადა, რომ კომპანია ”სიტროენ ჯორჯია” კონკურენციის სააგენტოსთან თანამშრომლობს.

თავის მხრივ, კომპანიის გენერალური დირექტორის, გიორგი შარაშიძის შეფასებით, სახელმწიფო აუდიტის სამსახურის მიერ შს სამინისტროს შესყიდვებზე გამოქვეყნებული დასკვნა ადასტურებს, რომ „სიტრიენ ჯორჯიას“ განცხადებები სიმართლეა.

”მინდა გამოვეხმაურო იმ დასკვნას, რომელიც დაიდო. ეს ნიშნავს, რომ ის, რაზეც ჩვენ ვსაუბრობთ ამდენი ხანი, ეს ყველაფერი გამყარდა აუდიტის დასკვნით. ეს აღარ არის მხოლოდ ჩვენი მოსაზრება, ჩვენი საუბარი დაადასტურა ბატონმა მამუკა ტუსკაძემ, რომელმაც დატოვა დავების საბჭო, ხოლო ამის შემდეგ დაიდო დასკვნა, რომელიც სრულიად ნათელს ხდის, თუ რა ხდება სახელმწიფო შესყიდვებში”, - განაცხადა გიორგი შარაშიძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ