გასული წლის დეკემბერში საახალწლოდ იმერეთის გუბერნიამ დანამატის სახით 11 570 ლარი გასცა. როგორც ”ინტერპრესნიუსს” იმერეთის გუბერნიიდან აცნობეს, წლის ბოლოს დანამატი გუბერნიაში დასაქმებულმა 32-მა თანამშრომელმა მიიღო.
დანამატის სახით საახალწლოდ 2 950 ლარი მიიღო იმერეთის გუბერნატორმა გივი ჭიჭინაძემ.
8 620 ლარი გაიცა 28 თანამშრომელზე (მათ შორის ხელშეკრულებით აყვანილი თანამშრომლები), თითოეულმა საახალწლოდ 270-270 ლარი მიიღო.
რაც შეეხება 2017 წლის მთლიან მონაცემებს, იმერეთის გუბერნიაში 121 682 ლარის დანამატი გაიცა.
დანამატის სახით წლის განმავლობაში იმერეთის გუბერანტორმა გივი ჭიჭინაძემ 35 400 ლარი მიიღო.
5 670 ლარით განისაზღვრა მერის მოადგილის გრიგოლ დალაქიშვილის დანამატი. ამავე პოზიციაზე 2 907 ლარი მიიღო იოსებ ხახალეიშვილმა.
ქუთაისის მერის პოსტზე დასახელებამდე 2 487, 50 ლარი მიიღო გიორგი ჭიღვარიამ, რომელიც ვიცე-გუბერნატორის პოსტს იკავებდა. 13 500 ლარი მიიღო პირველმა მოადგილემ პაატა ნადირაძემ, ვიდრე ჭიათურის მერის პოსტზე კანდიდატად დასახელდებოდა.