გიორგი კახიანი „სიტროენ ჯორჯიას“ ადვოკატების განცხადებაზე - ის, რომ სახელმწიფო ტენდერების საკითხზე რაიმე დაპირისპირება არსებობს, ხმამაღალი ნათქვამია

ის, რომ სახელმწიფო ტენდერების საკითხზე რაიმე დაპირისპირება არსებობს, ხმამაღალი ნათქვამია, - ამის შესახებ ჟურნალისტებს უმრავლესობის წევრმა გიორგი კახიანმა „სიტროენ ჯორჯიას“ ადვოკატების მიერ დღეს გამართულ პრესკონფერენციასთან დაკავშირებით განუცხადა.

“არ მგონია აქ რაიმე დაპირისპირებაზე იყოს საუბარი. თუკი ვინმეს ტენდრების კანონიერების მხრივ რაიმე ეჭვი ეპარება, შესაბამისი სამართლებრივი მექანიზმები არსებობს. ვისაც ტენდერებთან დაკავშირებით კითხვები გააჩნია, სწორედ სამართლებრივ გზას უნდა გაუდგეს“, - განუცხადა ჟურნალისტებს გიორგი კახიანმა.

„სიტროენ ჯორჯიას“ ადვოკატების ინფორმაციით, სახელმწიფო აუდიტის სამსახურის დასკვნის საფუძველზე დგინდება, რომ მთავრობის ყოფილი წევრის ტარიელ ხეჩიკაშვილის კომპანიამ 8-მილიონიანი სახელმწიფო ტენდერი მოიგო.

დღეს გამართულ პრესკონფერენციაზე გია გაჩეჩილაძემ(უცნობმა) განაცხადა, რომ თბილისში ალბათ ადამიანი არ არის დარჩენილი ვინც შეიძლება არ იცოდეს, თუ რა ხდება სახელმწიფო ტენდერებში.

„ეს არ არის ყურით მოთრეული თემა. მე უბრალოდ ამას შევეჯახე, შევისწავლე და მივხვდი, რომ ამის გაგრძელება აღარ შეიძლება. ერთი და იგივე ადამიანების ჯიბეებში ნაწილდება სახელმწიფო ბიუჯეტის თანხები, რომელიც ზედმეტობით გააქვთ სახელმწიფო ბიუჯეტიდან და სხვა ადამიანები რჩებიან ისევ ისე მშივრები და გაძვალტყავებულები. ეს თანხები უნდა გადანაწილდეს ხალხზე. შინაგან საქმეთა სამინისტროს შესყიდვებზე დადებული დასკვნა ადასტურებს, რომ სახელმწიფო სტრუქტურებში სერიოზულად მოეკიდნენ ამ საკითხს. მე იმედი მაქვს, რომ ეს ყველაფერი გამოსწორდება”, - განაცხადა გაჩეჩილაძემ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს