სებასტიან კურცი - ჩრდილოეთ და სამხრეთ კორეას შორის ურთიერთობების ნორმალიზაციის მიზნით დაწყებული მოლაპარაკებები დადებითი მაგალითია
ევროპის უსაფრთხოებისა და თანამშრომლობის ორგანიზაციის მოქმედი თავმჯდომარის სებასტიან კურცის თქმით, ჩრდილოეთ და სამხრეთ კორეას შორის ურთიერთობების ნორმალიზაციის მიზნით დაწყებული მოლაპარაკებები დადებითი მაგალითია.
„ჩრდილოეთ და სამხრეთ კორეის წარმომადგენლებს შორის შეხვედრა რეგიონისთვის მნიშვნელოვანი დადებითი სიგნალია. დიალოგი მშვიდობის შესანარჩუნებლად მნიშვნელოვანი ინსტრუმენტია“, - დაწერა მან „ტვიტერის“ საკუთარი გვერდზე.
ჩრდილოეთ და სამხრეთ კორეას შორის მოლაპარაკებების პირველი რაუნდი 2015 წლის დეკემბრის შემდეგ დღეს, სასაზღვრო ქალაქ პხანმუნჯომში გაიმართა. მთავარი თემა ურთიერთობების გასაუმჯობესებლად სეულსა და ფხენიანს შორის პრაქტიკული ნაბიჯების განხილვა იყო. წარმომადგენლებმა ისაუბრეს პხანმუნჯომში ჩრდილოეთსა და სამხრეთს შორის სატელეფონო ხაზის აღდგენაზე, სამხედროებს შორის კავშირის საგანგებო არხის არსებობაზე და შეთანხმდნენ, რომ ჩრდილოეთ კორეის დელეგაცია ესტუმრება ზამთრის ოლიმპიადას პხენჩხანში.
