ქუთაისში, კუპრაძის ქუჩაზე არსებული სასურსათო მაღაზია ორმა პირმა გატეხა. როგორც ადგილობრივები აცხადებენ, ბრალდებულებმა მაღაზიის გაქურდვა ვერ მოასწრეს, რადგან სიგნალიზაცია ჩაირთო. "ფულისა და პროდუქტების წაღებას აპირებდნენ, მაგრამ ვერ მოასწრეს. მალევე მოვიდა პატრული და ქურდები დააკავეს", - განუცხადა „ინტერპრესნიუსს“ ადგილობრივმა მცხოვრებმა გურამ კილაძემ.

საქართველოს შინაგან საქმეთა სამინისტროს ცნობით, ბრალდებულები სამართალდამცველებმა ცხელ კვალზე დააკავეს. საქმეზე გამოძიება 177- ე ქურდობის მუხლით მიმდინარეობს.