ისრაელმა თავისი წვლილი შეიტანა ევროპაში, მათ შორის საჰაერო ტრანსპორტში, ათობით მასშტაბური ტერორისტული აქტის თავიდან აცილებაში, - ამის შესახებ ისრაელის პრემიერ-მინისტრმა ბენიამინ ნეთანიაჰუმ ისრაელში ნატო-ს ელჩებთან შეხვედრისას განაცხადა. პრემიერის განცხადებას მისი კანცელარია ავრცელებს.
„ჩვენი სადაზვერვო სამსახურების საშუალებით მივაწოდეთ ინფორმაცია, რამაც შესაძლებელი გახადა ათობით დიდი ტერაქტის თავიდან აცილება. აქედან უმეტესობა ევროპის ქვეყნებში უნდა მომხდარიყო. რამდენიმე მათგანი, შესაძლოა, ყველაზე უარესიც ყოფილიყო ევროპაში მომხდარ ტერაქტებს შორის, რადგან სამოქალაქო ავიაციასთან იყო დაკავშირებული“, - განაცხადა ნეთანიაჰუმ.