რუსთავში, ნიკო ფიროსმანის სახელობის სამხატვრო სკოლის საგამოფენო დარბაზში, რუთაველი მხატვრების, მამა-შვილ მალხაზ და ირაკლი დათუკიშვილების ნამუშევრების გამოფენა გაიხსნა.
როგორც „ინტერპრესნიუსს“ რუსთავის მერიიდან აცნობეს, გამოფენა, გასულ წელს ტრაგიკულად გარდაცვლილი 21 წლის ირაკლი დათუკიშვილს ხსოვნას მიეძღვნა.
გამოფენაზე ირაკლი და მალხაზ დათუკიშვილების გრაფიკული ნამუშევრები იყო წარმოდგენილი. გამოფენის ორგანიზატორი რუსთავის სახელოვნებო გაერთიანებათა ცენტრი და მხატვართა გაერთიანება ,,გამაა“.
გამოფენის გახსნას, რუთავის მერი ირაკლი ტაბაღუა, საკრებულოს თავმჯდომარე ლევან ონიანი, საკრებულოს დეპუტატები, ოჯახის წევრები და მეგობრები, რუსთაველი მხატვრები ესწრებოდნენ.
ირაკლი დათუკიშვილი შარშან, 21 წლის ასაკში ტრაგიკულად გარდაიცვალა. ის სამხატვრო აკადემიის მესამე კურსის სტუდენტი იყო.