საქართველოს ყოფილი პრეზიდენტი მიხეილ სააკაშვილი დღეს უკრაინის უშიშროების სამსახურის მთავარ სამმართველოში დაკითხვაზე უნდა გამოცხადდეს. ამის შესახებ მისმა ადვოკატმა რუსლან ჩერნოლუცკიმ განაცხადა.
„სააკაშვილმა უწყება მიიღო. 10 იანვარს, 11:00 საათზე ის კიევში, უკრაინის უშიშროების სამსახურის მთავარ სამმართველოში დაკითხვაზე უნდა მივიდეს“, - განაცხადა ჩერნოლუცკიმ.
შეგახსენებთ, რომ საქმე ეხება 2017 წლის 17 დეკემბერს, კიევში, ოქტომბრის სასახლესთან განვითარებულ ამბებს, რომლებთან დაკავშირებითაც სააკაშვილი მოწმის სტატუსითაა დაბარებული.