ირაკლი ჩხვირკიას და მერაბ ღოღობერიძის საქმეზე სასამართლოს გადაწყვეტილება დღეს გახდება ცნობილი

ბათუმის მოვლენებზე ბრალდებულების ირაკლი ჩხვირკიას და მერაბ ღოღობერიძის საქმეზე სარეზოლუციო ნაწილი 10:30 საათზე გახდება ცნობილი. მოსამართლე დავით მამისეიშვილმა მხარეთა დასკვნითი სიტყვა უკვე მოისმინა.

როგორც მერაბ ღოღობერიძის ადვოკატი პაატა შავაძე აცხადებს, წარმოდგენილი მტკიცებულებებითა და მოწმეების ჩვენებების საფუძველზე მისი დაცვის ქვეშ მყოფის ბრალეულობა არ დასტურდება. ბრალდებული ირაკლი ჩხვირკია კი აცხადებს, რომ პროკურატურის მიერ წარდგენილ ბრალს არ აღიარებს. მისი თქმით, საპატიმროში პოლიტიკური განცხადების გამო აღმოჩნდა.

გამოძიება ბრალდებულებს ირაკლი ჩხვირკიას და მერაბ ღოღობერიძეს „სისხლის სამართლის კოდექისი“ 225-ე მუხლის საფუძველზე 11-12 მარტს ბათუმში განვითარებული მოვლენების ორგანიზებსა და ხელმძღვანელობას ედავება. ბათუმის საქალაქო სასამართლოში ღოღობერიძისა და ჩხვირკიას საქმის განხილვა 8 თვის განმავლობაში მიმდინარეობდა, სადაც მხარეთა მიერ წარდგენილი მოწმეთა დაკითხვა და მტკიცებულებათა გამოკვლევა განხორციელდა.

11-12 მარტს „პლაზას“ მიმდებარე ტერიტორიაზე, სამართალდამცავებსა და მოქალაქეებს შორის დაპირისპირება მოხდა, სადაც რამდენიმე პირი დააკავეს. პროტესტის ნიშნად, აქციის მონაწილეებმა აჭარის პოლიციის მთავარ სამმართველოსთან გადაინაცვლეს. აქცია მთელი ღამის განმავლობაში მიმდინარეობდა. შეკრებილები აჭარის პოლიციის მთავარ სამმართველოს უფროსის კახა ბუხრაძის გადადგომას და დაკავებულების გათავისუფლებას ითხოვდნენ. აქციის მიმდინარეობისას მომიტინგეებმა 7 ავტომობილი დაწვეს და ინფრასტრუქტურა დააზიანეს.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა