სამხრეთ კორეის პრეზიდენტმა, მუნ ჩჟე ინმა განაცხადა, რომ მზად არის ჩრდილოეთ კორეის ლიდერს, კიმ ჩენ ინს შეხვდეს.
მისი თქმით, ამგვარი შეხვედრა მხოლოდ იმ პირობით შეიძლება შედგეს, თუ ეს ხელს შეუწყობს ფხენიანის ბირთვული პროგრამის პრობლემის გადაწყვეტას.
„მზად ვარ მაღალ დონეზე შეხვედრა გავმართო თუ ეს ხელს შეუწყობს ჩრდილოეთ კორეის ბირთვული პროგრამის პრობლემის გადაწყვეტას და ასევე ორ კორეას შორის ურთიერთობების აღდგენას“, - განაცხადა სამხრეთ კორეის პრეზიდენტმა.
მუნ ჩჟე ინმა ასევე აღნიშნა, რომ ოფიციალური სეული მხოლოდ იმ შემთხვევაში დათანხმდება ამგვარ მოლაპარაკებებს, თუ ხელშესახები შედეგების გარანტიები იქნება.
სამხრეთ კორეის ლიდერმა განაცხადა, რომ კორეის ნახევარკუნძულის დენუკლეარიზაცია ის პოზიციაა, რომელზეც სეული უარს არ იტყვის.