ამას ისე არ დავტოვებ, ვინც დამნაშავეა, სათითაოდ მოვუღებ ბოლოს, - ამის შესახებ თემირლან მაჩალიკაშვილის დედამ აიზა მარგოშვილმა საავადმყოფოში განაცხადა.
თემირლან მაჩალიკაშვილის დედის თქმით, მისი შვილი დღეს დილით უნდა გადაეყვანათ თურქეთის კლინიკაში სამკურნალოდ.
„დღეს დილით უნდა გადაგვეყვანა და სპეციალურად მომიკლეს შვილი ამ ფაშისტებმა არაფრის გულისთვის“, - განაცხადა აიზა მარგოშვილმა.
ამ წუთებში წმინდა მიქაელ მთავარანგელოზის სახელობის მრავალპროფილიან კლინიკურ საავადმყოფოში, სადაც პანკისში დაჭრილი თემრილან მაჩალიკაშვილი ორი კვირის განმავლობაში მკურნალობას გადიოდა, მისი ოჯახის წევრები და ახლობლები იმყოფებიან.
იხილეთ ვიდეო: "დღეს დილით გადაგვყავდა და სპეციალურად მომიკლეს შვილი" - თემირლან მაჩალიკაშვილის დედა