ოკუპირებული სამხრეთ ოსეთის მოსახლეობა ელექტროენერგიის გარეშე დარჩა. ამის შესახებ რუსეთის ენერგეტიკის სამინისტრო იუწყება.

კომპანია „ენერგორესურსში“, რომელიც ე.წ. რესპუბლიკის ელექტრომომარაგებაზეა პასუხისმგებელი, აცხადებენ, რომ მთაში ძლიერმა ქარმა და თოვლმა ელექტროგადამცემი ხაზი დააზიანა, რასაც ელექტროენერგიის გათიშვა მოჰყვა.

რუსეთის ენერგეტიკის სამინისტროს ინფორმაციით, ელექტროენერგიის გარეშე ე.წ. რესპუბლიკის მთელი მოსახლეობა, დაახლოებით 70 000 ადამიანი დარჩა.

დაზიანებული ელექტროგადამცემი ხაზის შეკეთება უახლოეს პერიოდში დაიწყება.