სს ,,ენერგო-პრო ჯორჯიას” ტექნიკური სამსახური დილიდან საგანგებო რეჟიმში მუშაობს, - ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.

მათივე ინფორმაციით, ,,ენერგო-პრო ჯორჯიას“ ტექნიკურმა სამსახურმა უკვე მოახერხა აბონენტების ნაწილისთვის აღედგინა ელექტროენერგიის მიწოდება.

„სამუშაოებისთვის საჭირო სარეზერვო მასალები ოპერატიულად იქნა მობილიზებული. ამ დროისათვის, რაიონულ ცენტრებს სტაბილურად მიეწოდება ელექტროენერგია. თუმცა, დილით საკმაოდ რთული მდგომარეობა იყო, მოტეხილმა ხეებმა დააზიანა საჰაერო ელექტროგადამცემი ხაზები. კომპანიის ზარალი საკმაოდ დიდია. ძირითადი შეზღუდვები იყო და ნაწილობრივ ახლაც გრძელდება შიდა ქართლის, ქვემო ქართლის და კახეთის რაგიონებში. ძლიერი ქარის გამო დაზიანებული ელექტროგადამცემი ხაზების აღდგენითი სამუშაოები იქამდე გაგრძელდება, ვიდრე სრულად არ მოხდება ელექტროენერგიის მიწოდების აღდგენა“, - ნათქვამია „ენერგო-პრო ჯორჯიას“ მიერ გავრცელებულ ინფორმაციაში.