ენგურის ხიდზე ოთხთვალა ურმის ერთ-ერთი მფლობელი სოფო მიქაია დააკავეს. სამართალდამცავებმა მიქაია მაშინ დააკავეს, როდესაც ის ენგური-ზუგდიდის დამაკავშირებელი გზის გადაკეტვას ცდილობდა.
ადგილზე მყოფი სამართალდამცავების ინფორმაციით, ის ადმინისტრაციული წესით არის დაკავებული. ამ დროისთვის ადგილზე მობილიზებულია პოლიცია.
ენგურის ხიდთან ოთხთვალა ურმების მფლობელები გაიფიცნენ. აქციის მონაწილეების განცხადებით, აღნიშნულ ტერიტორიაზე არალეგალურად სამი მიკროავტობუსი მოძრაობს და მათ მუშაობის საშუალება არ ეძლევათ.
“მგზავრები აღარ გვყავს და ოჯახები ულუკმაპუროდ გვრჩება. მხოლოდ ეს სამი მიკროავტობუსი ახერხებს მუშაობას, რომლებსაც გარკვეული პირები მფარველობენ“, - აცხადებენ ისინი.
აქციის მონაწილეების განცხადებით, იმ შემთხვევაში თუ ეს პრობლემა დროულად არ მოგვარდება, პროტესტის უკიდურეს ფორმას მიმართავენ.