ნინო ლომჯარია - უნდა იყოს გათვალისწინებული რამდენად პროპორციულია ოთარ აბესაძის ჯანმრთელობის მდგომარეობა აღკვეთის ღონისძიებასთან

სახალხო დამცველი ნინო ლომჯარია მიიჩნევს, რომ ოთარ აბესაძესთან დაკავშირით აღკვეთის ღონისძიება ფიზიკური ჯანმრთელობის მდგომარეობის გათვალისწინებით უნდა იყოს გამოყენებული. როგორც ლომჯარიამ ჟურნალისტებს განუცხადა, სახალხო დამცველის წარმომადგენელი შეხვდა აბესაძეს სამედიცინო დაწესებულებაში, თუმცა კონფიდენციალურობიდან გამომდინარე კონკრეტულ ინფორმაციაზე ვერ ისაუბრებს. მისივე თქმით, მნიშვნელოვანია იყოს გათვალისწინებული თუ რამდენად პროპორციულია აბესაძის აღკვეთის ღონისძიება მის ჯანმრთელობის მდგომარეობასთან.

"ოთარ აბესაძის საქმეს სახალხო დამცველის აპარატი ჩვენი ინიციატივით სწავლობს. მისი ან მისი ადვოკატების მხრიდან ასეთი მოთხოვნა არ ყოფილა. ერთადერთი მოთხოვნა იყო, რომ დავსწრებოდით სასამართლო პროცესებს და ჩვენ ვესწრებით პროცესებს. ოთარ აბესაძე მოვინახულეთ სამედიცინო დაწესებულებაში. ამ ეტაპზე, გამომდინარე იქედან, რომ არ გვაქვს შესაძლებლობა გავეცნო საქმის მასალებს ან ჯანმრთელობის მდგომარეობასთან დაკავშირებით კონკრეტულ ინფორმაციას, ჩემი პოზიცია არის, რომ უპირველეს ყოვლისა უნდა იყოს გათვალისწინებული მისი ჯანმრთელობის მდგომარეობა თუ რამდენად პროპორციულია აღკვეთის ღონისძიებასთან. ფიზიკური ჯანმრთელობის მდგომარეობა არის უპირატესი და ამ გარემოებებით უნდა მოხდეს შესაბამისი ღონისძიების გამოყენება",- განაცხადა ლომჯარიამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით