მთავრობა ცდილობს მაჩალიკაშვილის სახელის დისკრედიტაციას ისე, რომ სამართლებრივად ვერ ამტკიცებს მის ტერორიზმში ბრალეულობას, - ამის შესახებ „თავისუფალი დემოკრატების“ წარმომადგენელი თამარ კეკენაძე აცხადებს.
კეკენაძე სამძიმარს უცხადებს თემირლან მაჩალიკაშვილის ოჯახს.
„ძალიან დიდი იმედი მქონდა, რომ გადარჩებოდა და გავიგებდით, რეალურად რა მოხდა. სამწუხაროდ, იმდენად დაკარგულია ნდობა, როგორც მთავრობის, ისე სამართალდამცველების მიმართ, რომ ამ საქმის ადეკვატურად გამოძიების იმედი არ მაქვს. ადამიანი მოკლულია ტერორიზმის ბრალდებით და ბრალიც კი ვერ წაუყენეს. ეს სპეცოპერაცია ჩატარდა ჩატაევის თემის გადასაფარად და ახლა უკვე ორი კვირაა ვუყურებთ, თუ როგორც ცდილობს მთავრობა მაჩალიკაშვილის სახელის დისკრედიტაციას ისე, რომ სამართლებრივად ვერ ამტკიცებს მის ტერორიზმში ბრალეულობას“, - აცხადებს კეკენაძე.