სტიქიამ ქარელის მუნიციპალიტეტი დააზარალა

სტიქიამ ქარელის მუნიციპალიტეტი დააზარალა. ამ ეტაპზე, ძირითადი სამუშაობი ორ ლოკაციაზე - სოფლებში, მოხისსა და ქვენატკოცაში მიმდინარეობს. მოხისში, დევნილთა ჩასახლების ტერიტორიაზე, უხვი ნალექის შედეგად წარმოიქმნა ნიაღვრები, დაიტბორა ორი საცხოვრებელი კოტეჯი და ასევე, ორი სახლის ეზო და დამხმარე ნაგებობები. დატბორილია დასახლებაში მისასვლელი ქუჩებიც.

საგანგებო-საველე შტაბი, რომელსაც შიდა ქართლის გუბერნატორი კახა სამხარაძე ხელმძღვანელობს, კვლავ ინტენსიურ რეჟიმში აგრძელებს მუშაობას.

„უხვი ნალექის შედეგად შექმნილი პრობლემების სალიკვიდაციო სამუშაოები ამ წუთებშიც გრძელდება, მთელი ღამის განმავლობაში მოხისში მობილიზებული იყო პირველი ეტაპისთვის საჭირო ტექნიკა, გაჭრილია სპეციალური არხები იმისთვის, რომ დროულად მოხდეს დატბორილი ადგილებიდან წყლის ამოტუმბვა, რის შემდეგაც და იწყება შემდგომი სამუშაოები. მოხისის დევნილთა ჩასახლების გარდა, ანალოგიური სამუშაოები მიმდინარეობს ქვენატკოცაშიც, სადაც ნიაღვარი რამდენიმე საცხოვრებელ სახლში შევარდა. ამ დროისთვის, ვითარება შედარებით დასტაბილურდა და კონტროლს ექვემდებარება“, - განაცხადა საგანგებო-საველე შტაბის წევრმა, შიდა ქართლის გუბერნატორის მოადგილემ სიმონ გულედანმა.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში